pljupce
Струмичкиот кик-боксер Петре Велков уште еднаш ја израдува македонската спортска јавност, освојувајќи го првото место на Светскиот куп „Турција“ кој се одржува во Анталија, Турција.
Македонија на ова престижно меѓународно натпреварување настапува со тројца кикбоксери, а токму Пепи Велков беше оној кој блесна со извонреден настап и донесе голем успех за македонскиот кик-бокс.
Во финалната борба во сениорска конкуренција, во категоријата до 67 килограми во дисциплината лоу кик, Велков се соочи со домашниот натпреварувач Арслан Онурџан од Турција. Струмичанецот покажа одлична подготвеност, борбеност и шампионски карактер, успевајќи да го совлада својот противник и да се искачи на највисокото место на победничкиот пиедестал.
Овој резултат претставува уште една потврда за квалитетот и континуираниот напредок на Пепи Велков, кој со своите настапи веќе подолго време е еден од најуспешните македонски кик-боксери и горд амбасадор на Струмица на меѓународната спортска сцена.
Успехот на Велков е големо признание не само за него лично, туку и за македонскиот кик-бокс, кој продолжува достојно да се претставува на големите светски натпреварувања.
Извор: strumicadenes.mk
