Митев: Против нас ќе ги имаме играчите кои до вчера ни беа идоли

Дамјан Митев е еден од младите играчи во ростерот на Македонија на Европското првенство во Скандинавија. Членот на Алкалоид говореше за првиот предизвик со Данска и даде увертира за континенталниот собир.

„Данска ја знаеме, сите ѝ ги познаваме квалитетите, нема што да се зборува посебно за нив. Одиме максимално да играме со сите и со Португалија и со Романија. Чувството е одлично, знаеме дека против нас ќе ги имаме играчите кои до вчера ти биле идоли. Мора да го дадеме нашиот максимум затоа што се работи за Европско првенство, играш за Македонија. Нема да се штедиме, ова е репрезентација, мора секој меч да си на максмум“, изјави Дамјан Митев.

Натпреварот меѓу Данска и Македонија се игра во петок со почеток од 20:45 часот.

Извор: gol.mk