pljupce
Лепа Брена и Слободан Боба Живојиновиќ имаат еден од најхармоничните бракови на регионалната јавна сцена, а иако се заедно долги 34 години, јавноста не знае многу за нивната врска. Тие со децении љубоморно ја чуваат својата интимност, а пејачката одвреме-навреме открива само детали од бракот.
Така во една прилика изјави дека и до ден-денес очите ѝ блескаат кога се сеќава на моментот кога за првпат го видела Живојиновиќ.
„Сосема случајно го видов Боба на насловната страница на весник, ми беше слободен ден и можев да го прелистам весникот, што не беше случај затоа што имав два концерта дневно. Мојот пријател ми вели: „Тоа е нашиот најдобар спортист“, а јас возвраќам: „Ах, тој е сладок, навистина би сакала да го запознаам“, и претпоставувам дека универзумот слушнал, па внимавајте што велите“, рече таа со насмевка.
Лепа Брена подоцна истакна и што ѝ се допаѓа кај Боба.
„Ми се допадна неговата живост и за секој проблем што го имав ми ја отвораше вратата и ми даваше сила да продолжам понатаму. Сакав да имам силен маж до мене за понекогаш да се чувствувам слаба, за да можам да плачам, да прашам за совет, да ме утеши, да ме прегрне и да ми каже: „Се ќе биде во ред, ќе го решиме, не грижи се“, објасни таа.
Сепак, како и во секоја врска, понекогаш има несогласувања и во нивната, што не е чудно со оглед на тоа што нивната куќа била полна со „машка“ енергија.
„Се обидував да балансирам помеѓу куќа полна со тестостерон. Штом мене не ми вика Беки туку Фахрета, тогаш знам до каде сме стигнале“, рекла таа еднаш низ смеа.
Извор: espreso.mk
