pljupce
Џорџ Клуни на свој начин се пошегува на сметка на Бред Пит, но и истакна дека актерот во последно време не изгледа добро.
Познатите актери неодамна работеа на претстојниот филм „Wolves“, а Клуни го коментираше својот колега за странските медиуми.
„Убав дечко е Пит. Не знам дали сте го виделе одблизу во последно време. Не изгледа толку добро. Сепак, со шминка и визуелни ефекти можеме да го спасиме“, рече тој.
Дека Бред е и голем шегаџија, Клуни откри за време на премиерата на филмот „The Boys in the Boat“.
„Моите шеги би можеле да траат вечно, но неговите шеги одат до коска. Користи валкани трикови“, додаде тој.
Познатите актери претходно беа видени заедно во Њујорк на снимањето на претстојниот филм, а беа облечени речиси идентично.
„Wolves“, кој повторно ги спојува Пит и Клуни, е режиран од Џон Вотс и направен за Apple TV, за двајца осамени мајстори на кои им е доделена истата работа.
Извор: kajgana.com
