pljupce
Шампита е веројатно најслатката торта што можете да ја пробате. Многу лесно се прави, а со овој рецепт ќе биде како од слаткарниците.
Рецептот за овој познат десерт го најдовме на YouTube каналот Kuhinja za 10.
Потребни состојки:
- 8 јајца
- 32 лажици шеќер
- 8 лажици масло
- 8 лажици млеко
- 8 лажици брашно
- ½ лажичка прашок за пециво
- 1 лажица сок од лимон
- 2 кесички ванилин шеќер
Подготовка:
Одвојте ги белките од жолчките, па во жолчките додадете 8 лажици шеќер и изматете со миксер. Потоа додадете 8 лажици масло и 8 лажици млеко и продолжете со матење со жица. После тоа додадете брашно и прашок за пециво и убаво изматете.
Смесата се истура во тавче со димензии 25х30 сантиметри и се пече 8 минути на температура од 160 степени. За тоа време направете шаум.
Во тенџере сипете вода и оставете да зоврие, а во садот со белките додадете 24 лажици шеќер, лажица сок од лимон, 2 кесички ванилин шеќер и изматете со жица. Смесата со белките загрејте ја на пареа над тенџерето во кое зоврила водата.
По 10 минути, можете да ја префрлите смесата во поголем сад и да ја изматите во цврст снег. Нанесете го шаумот на кората, обликувајте и оставете да се стегне најмалку 10 до 15 минути.
Извор: kajgana.com
