pljupce
Моите деца се учтиви, вредни, објасни Дино.
Дино Мерлин поради огромниот интерес одржа четири концерти во белградската Старк Арена, а исто толку пати се појави и пред загрепската публика која го пречека со громогласен аплауз.
Пејачот оваа прилика ја искористи да разговара со медиумите во Хрватска, а зборуваше и за бројни актуелни случувања, за самиот концерт, но она што е многу ретко – зборуваше за својот приватен живот. На концертите се фалеше дека станал дедо, а сега потенцираше колку е горд на своите деца.
Познато е дека тој ги има ќерката Наида и синот Хамза, но и двајцата ретко се појавуваат во јавноста. Не се занимаваат со јавен бизнис и никогаш не сакале да бидат во медиумите.
-Вака со овие бранови на животот доаѓаат среќни и помалку среќни моменти, но секогаш е важно да бидете достојни за моментот во кој се наоѓате. Важно е да останете луѓе во најелементарните работи. Да речеме дека сум многу среќен поради мојот приватен живот, бидејќи никогаш нема да прочитате дека син ми вози „ламборџини“ или „ферари“, колку се расфрлаат со пари, како “шмркаат“… Моите деца се учтиви, вредни, објасни Дино за ХРТ и додаде:
-Мојата најголема среќа е кога ќе дојде таксист и ќе рече: „Ги знам твоите песни и се, но твоите деца се многу скромни“. И тоа е вашето најголемо достигнување. Драго ми е што живееме пристоен живот и се солидаризираме со луѓето, додаде пејачот.
Извор: kurir.mk
