pljupce
Сосема гол маж денеска го искористил сончевиот ден за релаксирачки џогинг во Охрид, предизвикувајќи неверување и шок кај граѓаните кои се нашле на кејот и во централното градско подрачје, објави „А1он“.
Според порталот, човекот сред бел ден, „како од мајка роден“, протрчал по целата должина на кејот, продолжувајќи кон плажите, без никој да го запре.
Снимки од несекојдневниот инцидент се појавија на социјалните мрежи. Видеата прикажуваат како мажот трча речиси низ целиот центар на Охрид, додека дел од минувачите со неверување ја следат сцената, а некои му довикуваат погрдни зборови.
Засега нема информации за идентитетот на лицето и дали полицијата интервенирала.
Гол маж се шета низ Охрид.. pic.twitter.com/Ig4JeiEKja
— ВИЌО ИНСПЕКТОР (@VikoInspektor) February 5, 2025
Извор: 24info.mk
