pljupce
Том Круз заработи еден од највисоките хонорари за една филмска улога.
Како една од најпознатите филмски ѕвезди, Круз беше клучен за враќањето на франшизата Top Gun по речиси четири децении.
Според Variety, првичниот хонорар на Круз за Top Gun: Maverick бил помеѓу 12 и 14 милиони долари, но тој си обезбедил вистинско богатство така што се договорил за процент од вкупната заработка на филмот, познат како „first-dollar gross“.
Оваа стратегија му овозможи да оствари профит независен од трошоците за продукција и маркетинг, за разлика од вообичаените аранжмани кои вклучуваат споделување на добивката по покривање на трошоците. Со други зборови, договорот му гарантираше на Круз значителен профит дури и ако Top Gun: Maverick не оствари сериозен профит.
Филмот заработи повеќе од 1,4 милијарди долари (околу 1,3 милијарди евра), со што на Круз му донесе над 100 милиони долари (околу 94 милиони евра).
Покрај Top Gun: Maverick, Круз заработи многу пари и на Mission: Impossible 2 и War of the Worlds. Сепак, рекордот го држи Кијану Ривс со 156 милиони долари за Matrix Reloaded и Matrix Revolutions.
Извор: kajgana.com
