Ljubomir Pepic
Кога станува збор за женската нега, еден од главните фактори кој придонесува за истакнување на женската убавина е косата.
Освен стилизирањето, односно фризурите кои се секогаш во чекор со времето, треба да знаете и неколку трикови кои се однесуваат на одржување на хигиената на косата.
Вечна дилема – колку често треба да се мие косата?
Според фризерот на славните, Џон Хала, косата би требало да ја миете само тогаш кога е апсолутно неопходно, а вашата коса има начин да ви каже кога е тоа.
Тоа можете да го проверите многу лесно, во само два чекори: најпрвин поминете со прстите низ неа – ако е уште кадифено мека, таа не е за миење.
„Иако е генерална препорака да се мие максимално еднаш до двапати неделно, би рекол дека косата треба да ја миете само кога е видливо масна. Ако темето ве чеша или постојат знаци на перутање поради нечистотија, тогаш е јасно дека е време за миење“, вели Хала.
„Запомнете, за здраво влакно и здрави фоликули ви е потребен природен себум, а пречестото миење на косата ќе го намали истиот“, објаснил тој.
Едноставен трик против мастење
Доколку косата брзо се масти и имате потреба почесто да ја миете, постои еден трик кој можете да го применувате.
Кали Борг, фризерка и лична стилистка на познатата Аманда Холден, открила за „Express“ дека јаболковиот оцет прави чуда. Третманот можете да го направите дома така што ќе разредите јаболков оцет со вода во сооднос 1:3, и со тоа ќе ја плакнете косата еднаш неделно.
Јаболковиот оцет ја детоксицира косата и го отстранува вишокот маснотии. Џон Хала препорачува косата да ја шампонирате неколку минути, а потоа да ја измиете со студена вода за да го намалите претераното лачење на себум и со тоа да спречите пречесто миење на косата, пишува „The Sun“.
извор:точка.ком.мк
