Зошто голем број луѓе кога се во животна дилема препуштаат се на судбината?


Колку е потешка одлуката, толку е поголем психолошкиот товар и стравот од погрешен избор, а верувањето дека сè е предодредено им помага на луѓето полесно да функционираат.

Иако често се вели дека секој е ковач на својата среќа, тоа не се однесува на донесување на важни животни одлуки, покажа студија на американскиот универзитет Дјук. Според студијата, повеќето луѓе ќе се откажат од конкретни активности пред тешките одлуки во животот и ќе ја повикаат судбината на помош, пишува Дејли меил. За да ги тестираат своите тези, научниците го набудуваа размислувањето на луѓето две недели пред претседателските избори во Америка. Откриле дека оние кои се неодлучни почесто веруваат во изјавата дека „судбината ќе осигура дека е избран подобар кандидат“.

На овој начин тие ја искажаа својата верба во натприродни сили кои можат да влијаат на човечките животи, но исто така се ослободија од одговорност поради можна погрешна одлука.

– Верувањето во судбина според која сè се случува со причина, а резултатите се предодредени, всушност им помага на луѓето во тешки моменти. Така верувањето во судбина е исто така корисно за здравјето – рече Арон Кеј, водачот на студијата. Тој додава дека потешкотиите во големите одлуки се предизвикани од психолошка вина, а колку повеќе луѓе се неодлучни, толку е поголема веројатноста да се потпрат на верувањето дека ситуацијата ќе се реши на најдобар начин.

Извор: srekja.mk

Previous Џеј Ло ја раскина свршувачката со Алекс Родригез – Наводно поради оваа девојка
Next Најдолговечниот народ на планетата: Хунзите – Која е тајната на нивното здравје?

No Comment

Leave a reply

Your email address will not be published. Required fields are marked *