Франција забрани употреба на диви животни во циркуз


Франција  ќе забрани употреба на диви животни во циркусите, како и воведување нови животни во три морски паркови во земјата, најави министерката за екологија Барбара Помпили и објави 021.

Министерот, кој презентираше низа мерки во врска со благосостојбата на дивите животни во заробеништво, најави дека ќе се укине одгледувањето на американски бизони за крзно, наведувајќи дека односот кон дивите животни е променет во сегашно време.„Време е да се отвори нова ера на односи со тие животни“, рече таа, нагласувајќи дека благосостојбата на животните треба да биде приоритет. Делфините или китовите повеќе нема да можат да се носат во трите француски морски паркови, рече таа, а мерката ќе стапи на сила веднаш. Забраната се однесува на патувачки циркуси, а не на други постојани изложби каде се претставени животни, ниту на зоолошките градини. Министерот рече дека дивите животни во циркусите ќе бидат забранети во наредните години, без да прецизира одреден датум.

„Поставувањето датум не ги решава проблемите, претпочитам да воспоставам процес тоа да се случи што е можно побрзо“, рече министерот.

Што се однесува до тоа што ќе се случи со тие животни, од кои има околу 500 во францускиот циркус, ќе се најдат решенија од случај до случај, со секој циркус и секое животно, рече министерот, додавајќи дека тие животни не можат да бидат ослободени .Владата ќе издвои осум милиони евра за да им помогне на циркусите и вработените да се прилагодат на новите мерки.

„Транзицијата ќе трае неколку години, бидејќи ќе ги промени животите на многу луѓе“, рече таа. Повеќе од дваесет европски земји веќе го ограничија или забранија овој вид злоупотреба на животни, како и околу 400 заедници во Франција, рече министерот.

Извор: srekja.mk

Previous ФОТО: Итересни и по малку комични слики - 8 Дел
Next FIFA 20 СТРИМ: Поздрав до Азирус Гејминг, Пане Стојанов и Емилио Јанковски

No Comment

Leave a reply

Your email address will not be published. Required fields are marked *