РЕЦЕПТ: Најлесниот рецепт за омилениот зимски десерт


Фритулите се еден од симболите на зимскиот период. За уживање во овој десерт не ви е потребно големо кулинарско искуство. А ние ви го претставуваме и најлесниот рецепт со чија помош можете да ги направите.

СОСТОЈКИ:

  • 0.25 кг. меко брашно
  • 1 големо јајце
  • 1 јаболко
  • 180 гр. јогурт
  • 2 лажици шеќер
  • 1 лажица рум
  • 2 мали лажички брашно за пециво
  • прстофат сол
  • 1 литар масло (за пржење)

ПОДГОТОВКА:
Во еден сад измешајте го јајцето со шеќерот и солта. Потоа додаете ситно изрендано јаболко, јогурт и рум Во друг сад измешајте го брашното со прашокот за пециво и потоа додадете го во првата смеса.

Ставете масло во длабок сад за пржење. Запомнете фритулите не смеат да го допираат дното туку мораат да пливаат во маснотијата па регулирајте ја количината на маслото имајќи го тоа на ум.

Маслото загрејте го на средна температура. Ако маслото е премногу врело, фритулите брзо ќе потемнат и ќе изгорат и нема да се надујат.

Со мала лажица земете малку смеса и со помош на друга лажица лесно спуштајте ги во маслото. Оставете простор помеѓу фритулите и немојте премногу да ја полните лажицата со цел да се испржат убаво од сите страни и лесно превртувајте ги.
Ако забележите дека не се вртат, вртете ги со помош на вилушка.

Пријатно!

Извор: srekja.mk

Previous Зошто мачките сакаат да спијат на главата на својот сопственик?
Next Отворен најдлабокиот базен на светот кој има и подводни пештери

No Comment

Leave a reply

Your email address will not be published. Required fields are marked *