Што вели науката за еднаш прељубник, секогаш прељубник?


Студија во која биле следени парови во период од пет години откри дека луѓето кои го изневериле партнерот во првата врска постои ризик од трипати повеќе дека најверојатно ќе го изневерат и следниот партнер.

Научници најдоа докази кои го поддржуваат старото правило „еднаш прељубник, секогаш прељубник“ кога станува збор за изневерување во врска.

Истражувачи од Универзитетот во Денвер сакаа да откријат дали неверството во претходната врска е ризик фактор за неверство во следните врски. За да го докажат тоа, набљудувале 484 луѓе кои биле во врска и ги прашувале за нивните сексуални активност надвор од моменталната врска, без разлика дали изневерувале или не, како и дали се сомневаат дека партнерот ги изневерува.

Потоа ги следеле нивните врски за да видат дали оние кои изневериле во првата врска ќе изневерат и во следната. Студијата го следела нивниот сексуален живот во рок од 5 години и резултатите откриваат дека оние кои се сомневаат дека партнерот ги изневерува имаат поголема веројатност да се сомневаат дека и следниот партнер ги изневерува.

Од друга страна, луѓето кои знаеле дека првиот партнер ги изневерил, пријавиле дека биле изневерени и од следниот партнер.

Авторите напишале дека студијата наречена „Еднаш прељубник, Секогаш прељубник? Сериско неверство во следните врски“ покажува дека некогашното изневерување е важен фактор кој укажува на неверство во идните врски. Во основа, ако партнерите претходно изневерувале, многу е поголема шансата тоа повторно да го сторат.

Значи, ако партнерите изневериле во првата врска некој со кој не биле во брак, уште поголема е веројатноста дека ќе изневерат во втората врска дури и ако се во брак.

Иако оваа студија е помала во однос на бројот на учесници и потребни се понатамошни истражувања, научниците се надеваат дека истата ќе помогне во спречување на сериско неверство во врските.

Извор: kajgana.com

Previous Ресторан во Прага нуди десерт во облик на коронавирусот
Next Видео што ме посеќа на некоје старо време: Elena Risteska - Come and get me (DJ Ljupce1982 EDIT)

No Comment

Leave a reply

Your email address will not be published. Required fields are marked *