Љубовен хороскоп за јуни 2018: За некого авантура, за друг среќа во љубовта и изненадувања


loading…



Летото е пред самиот праг, но што може да очекувате во љубовните односи? Дали ќе планирате пријатни заеднички моменти или можеби летните денови ќе ги поминете во авантура?

Во продолжение, откријте што ви носи месец јуни на поле љубов:

Овен

Ако сте во врска:

На почеток на месецот очекувајте повеќе радосни моменти, оптимизам, романтика и заеднички поминато време. Можно е да одите на патување и да поминете возбудлив викенд со саканиот/а. При крајот на месецот ќе се зголемат страстите, но и љубомората и несогласувањата. Внимавајте и чувајте се од дупли игри, флерт со други и прикривање на вистината.

Ако сте слободни:

Првата декада на месецот ќе ви биде исполнета со динамично темпо кое ќе ви годи. Ќе запознаете личност која на прв поглед ќе ви се допадне и ќе одлучите да ја освоите. Очекувајте возбудлива игра, бидејќи иако ќе се служите со вашиот шарм и искуство, секојпат кога ќе се доближите до личноста, таа вешто ќе се извлече и ќе ви упати нов предизвик. При крајот на месецот можеби ќе успеете да започнете авантура.

Бик

Ако сте во врска:

Односите со саканата личност ќе ви бидат исполнети со многу среќни моменти. Ќе ви се отвори можност за патување и ќе може да посетите место кое долго време планирате да го видите. Сепак, бидете внимателни на заедничките трошоци. Страста ќе ви биде на завидно ниво, но избегнувајте љубоморни сцени. Во втората половина почесто ќе излегувате со пријатели, а на партнерот тоа може да му пречи. Ќе мора да направите компромис за да посветите внимание на сите кои ви значат.

Ако сте слободни:

Ќе ве привлекува интелигентна личност, која истовремено е забавна и со која ќе имате многу заеднички теми за разговор. На почетокот ќе бидете заинтересирани и за врска, но во втората половина на месецот ќе забележите дека немате иднина со личност која мисли само на себе. Несогласувањата може да придонесат да донесете одлука за крај на авантурата, а ако не бидете внимателни може да бидете разочарани.

Близнаци

Ако сте во врска:

На почетокот на месецот очекувајте многу забава, чести излегувања, пријатна комуникација и убави моменти со саканата личност. Ќе имате можност да ги остварите заедничките цели, а тоа ќе ја подобри целосно врската и блискоста помеѓу вас. Во втората половина на месецот може да се опуштите и да не обрнувате многу внимание на партнерот и да бидете посветени на приватни цели. Обидете се да не предизвикате кавги.

Ако сте слободни:

Почетокот на јуни ќе ви донесе возбудливи случувања, а во вашиот живот ќе влезе личност која ќе ве заведе и брзо ќе направи да посакате нешто повеќе. На почеток, авантурата ќе се заснова на заемна физичка привлечност, а во втората половина ќе се појави и друга личност подготвена за авантура. Ќе влезете во паралелна врска без размислување, а потоа ќе се најдете во интриги и проблеми.

Рак

Ако сте во врска:

Првата половина на јуни е погодна за секакви видови на забавни активности со партнерот, како и заедничко патување. Ќе знаете како да ја направите среќна саканата личност, а ќе поминувате повеќе време заедно. Ќе си ги исполнувате меѓусебните желби, а тоа ќе ви го зајакне односот. Во втората половина комуникацијата може да отежни, а тоа ќе доведе до недоразбирања. За да избегнете компликации, наоѓајте заеднички прифатливи решенија.

Ако сте слободни:

Месец јуни ќе ви донесе многу шанси за заљубување, но потребно е внимателно да бирате, бидејќи трпението е неопходно, а и тактиката. Повеќе пати ќе се најдете во ситуација да посакате да се откажете од изборот, но упорноста ќе ви донесе неочекувани резултати. Ставете ги добрите манири и мудроста на прво место и обидувајте се да се приспособувате на личноста која е врвот на листата.

Лав

Ако сте во врска:

Овој месец ќе ви донесе многу можност да внесете промени и да ја освежите врската. Ќе се дружите повеќе со заеднички пријатели и ќе ширите познанства. Можни се мали несогласувања околу финансии, а кон крајот на месецот ќе се создадат поголеми недоразбирања, поттикнати од љубомора и посесивност. Неопходен е компромис, па потрудете се да ги решите навреме сите работи околу кои не се сложувате.

Ако сте слободни:

На почеток на јуни очекувајте ново познанство и заљубување. Ќе ве маѓепса личност која ќе ви делува на сродна душа и идеален партнер. Ќе бидете склони кон идеализирање, што ќе се покаже како грешка. Во третата декада личноста ќе ги покаже негативните страни, токму кога ќе ја започнете романсата. Љубомората и потребата за контрола нема да може да ги поднесете и ќе се двоумите дали да продолжите.

Девица

Ако сте во врска:

Ве очекуваат променливи односи со партнерот. На почетокот на месецот ќе бидете романтично расположени, нежни и внимателни. Потоа ќе наидете на некои потешкотии, скриени тајни и некоректно однесување од страна на партнерот. Ќе дојде до сериозна тензија во односот и неопходно е да пристапите на проблемот со бистар ум. Во втората половина ќе ги средите работите и ќе се согласувате, но важно е да останете искрени еден со друг.

Ако сте слободни:

Заинтересирани сте за личност со која би сакале да влезете во сериозна врска, а чувството е заемно. Ќе почнете да излегувате и на почетокот ќе имате силен и позитивен впечаток, но за кратко работите може да се искомплицираат. Ќе бидете склони кон наоѓање замерки за ситници, а другата личност ќе биде молчелива и повлечена. Тоа ќе го доведе односот, како и можноста за врска под знак прашалник.

Вага

Ако сте во врска:

Првата половина на јуни ќе биде исполнета со динамика и ќе имате простор да ги остварите вашите планови, бидејќи партнерот ќе ви излезе во пресрет. Можно е да одите на патување, а моментите кои ќе ги поминувате заедно ќе ви бидат незаборавни. Втората половина на месецот носи компликации, а ќе заземете различни ставови на тема меѓусебни потребни и желби. Ова несогласување ќе го решите само ако сте подготвени на компромис.

Ако сте слободни:

Иако сте заинтересирани да најдете некој што ќе ви одговара на потребите во љубовта, но подолго време не ви се укажува можност. Доколку одите на патување, можно е да запознаете некој со кој ќе влезете во страсна авантура, но внимавајте тоа да не прерасне во нешто повеќе, бидејќи постои голема шанса врската да продолжи на далечина, а не сте сигурни колку го сакате тоа.

Скорпија

Ако сте во врска:

На почетокот на месецот ве очекува хармонија која долго време ја посакувате во врската со партнерот. Ќе ви се исполни желба кон која сте тежнееле одамна, а саканиот/а ќе има разбирање за вашите потреби и ќе ви пружи неизмерно внимание и поддршка. Кон средината на месецот можни се сериозни несогласувања. Партнерот ќе има други обврски, а вие потреба за поголема слобода. Ситуацијата ќе ја отежнат и финансиски несогласувања. Однапред бидете подготвени на компромиси.

Ако сте слободни:

Нема да го постигнете очекуваниот резултат во обидот да ја привлечете повеќе личноста која ви се допаѓа. Ќе се откажете и ќе продолжите понатаму, но тешко ќе најдете некој друг, бидејќи неуспехот постојано ќе ви биде во мислите. Дури кон втората половина на јуни ќе имате можност да запознаете нова личност која од старт ќе реагира позитивно на вашиот флерт, иако ќе биде потребно сепак малку повеќе труд.

Стрелец

Ако сте во врска:

Во првата половина на месецот ќе бидете полни со идеи и предлози кои ќе му се допаднат на партнерот. Ќе поминувате повеќе време во разговори и планирање на заеднички цели, а некои од нив за кратко ќе успеете да ги остварите. Во втората половина саканиот/а ќе заземе различни ставови за заедничкиот буџет, а можни се и несогласувања околу недостатокот на меѓусебна поддршка. Можни се и љубоморни сцени, што ќе мора да се реши со компромис.

Ако сте слободни:

Во овој период ќе бидете повеќе заинтересирани за личен развој, патувања, дружба со пријатели и сопствени задоволства, отколку да се посветите и ангажирате за нова љубовна врска. Ќе бидете склони кон кратки авантури, а токму таква можност ќе ви се појави во почетокот на месецот. Ќе ја искористите шансата, а задоволството ќе биде меѓусебно. Ќе биде кратко, но динамично и страсно.

Јарец

Ако сте во врска:

Во првата половина на јуни ќе бидете расположени за забава и ќе му предлагате на партнерот места на кои би сакале да излегувате, како и дестинации кои сакате да ги посетите. Очекувајте исполнет распоред со настани на кои ќе присуствувате и уживајте во моментите, бидејќи втората половина ви носи несогласувања и кавги за заедничките цели. Неопходно е да најдете заедничко прифатливо решение.

Ако сте слободни:

Некој со кој долго време се дружите ќе почне повеќе да ви приоѓа и да планира средби на само со вас. Брзо ќе ги сфатите сигналите, но вие чувствувате привлечност кон друга личност која пак вам не ви обрнува внимание. Така ќе почнете да поминувате повеќе време со личноста која се труди да ве заведе, а тоа ќе ви годи. Сепак, одлуката дали ќе прерасне авантурата во нешто повеќе ќе мора да почека.

Водолија

Ако сте во врска:

Ќе имате поголемо слободно време кое ќе го посветите на саканата личност и на заеднички забави кои ќе ви годат на двајцата. Можни се минливи несогласувања во врска со финансиите, но ќе ги надминете со разговор и трпение. Во другата половина на месецот ќе добиете нови идеи за уредување на домот, за што ќе се ангажирате заеднички. Избегнувајте криење тајни и премолчување на работи за да избегнете сериозни несогласувања и оладување на односите.

Ако сте слободни:

Во првата декада на јуни ќе запознаете личност која многу ќе ве привлече и со која од првите моменти ќе откриете многу заеднички интереси. Ќе имате долги разговори на теми кои ве интересираат, а тоа ќе придонесе за пријатно расположение и желба за зближување и авантури. Искористете ја шансата бидејќи ваква прилика ретко ви се овозможува.

Риби

Ако сте во врска:

Првата декада на јуни е поволна за остварување на заеднички планови и за сè што е поврзано со семејни обврски. Ќе имате повеќе време да се посветите целосно на врската и односите во љубовта и распоредот ќе ви биде исполнет со забави и дружби со блиските. Во втората половина потешко ќе успевате да си посветите време заради приватните обврски, но ако малку се потрудите ќе успеете да функционирате.

Ако сте слободни:

Ќе се обидете да ѝ привлечете внимание на личноста која ви се допаѓа и ќе имате впечаток дека работите одат во добра насока, но потоа работите ќе се сменат. Ќе имате потреба постојано да почнувате одново заради некои ситни пропусти и поголем дел од месецот ќе ви помине во одушевување и разочарување. Одеднаш ќе се појави некој кој дискретно ќе флертува со вас, а тоа ќе ви се допадне, па ќе сфатите дека сте губеле време на погрешни личности.

Извор: exclusive.mk

loading...
Previous Србија има со што да се пофали: Ова е најзгодната полицајка која го запали Инстаграм! (Галерија)
Next Лошо изданије на Германците пред почетокот на светското првенство во фудбал

No Comment

Leave a reply

Your email address will not be published. Required fields are marked *